મેથી ચણા / છોલે મેથી / Methi Chana / White Chickpeas with Fenugreek / Chhole Methi

 

તૈયારી માટે ૧૦ મિનિટ

બનાવવા માટે ૨૦ મિનિટ

૨ વ્યક્તિ માટે

 

સામગ્રી :

ઘી ૨ ટેબલ સ્પૂન

રાય ૧/૪ ટી સ્પૂન

જીરું ૧/૪ ટી સ્પૂન

તમાલપત્ર ૨

સૂકા લાલ મરચાં ૨

ડુંગળી સમારેલી ૧

આદુ-લસણ-મરચાં ની પેસ્ટ ૧ ટેબલ સ્પૂન

ટમેટાં સમારેલા ૧

મેથી ની ભાજી સમારેલી ૧ કપ

છોલે મસાલો ૧ ટેબલ સ્પૂન

આમલી નો પલ્પ ૧ ટી સ્પૂન

ગોળ ૧/૨ ટી સ્પૂન

છોલે ચણા બાફેલા ૧ કપ

ડુંગળી ની રીંગ

 

રીત :

એક પૅન માં ધીમા તાપે ઘી ગરમ કરો.

 

એમ રાય, જીરું, તમાલપત્ર અને સૂકા લાલ મરચાં ઉમેરો.

 

તતડે એટલે સમારેલી ડુંગળી, આદુ-લસણ-મરચાં ની પેસ્ટ અને સમારેલા ટમેટાં ઉમેરો. બરાબર મીક્ષ કરો.

 

આમલી નો પલ્પ અને ગોળ ઉમેરો. બરાબર મીક્ષ કરો.

 

બાફેલા છોલે ચણા, સમારેલી મેથી ની ભાજી અને છોલે મસાલો ઉમેરો. બરાબર મીક્ષ કરો.

 

થોડું પાણી ઉમેરો અને ઢાંકી દો.

 

૮ થી ૧૦ મિનિટ સુધી મધ્યમ તાપે પકાવો. પછી તાપ પરથી પૅન હટાવી લો.

 

પછી, કમ સે કમ ૫ મિનિટ માટે ઢાંકેલું જ રાખી મુકો.

 

એક સર્વિંગ બાઉલમાં લઈ લો.

 

ડુંગળી ની રીંગ થી સજાવો.

 

પસંદ મુજબ રોટલી અથવા નાન અથવા તંદૂરી રોટી અથવા પુરી સાથે ગરમ ગરમ પીરસો.

 

Prep.10 min.

Cooking time 20 min.

for 2 Persons

Ingredients:
Ghee 2 tbsp
Mustard Seeds ¼ ts
Cumin Seeds ¼ tsContinue Reading

ઘઉ ની બિરયાની / Ghav ni Biryani / Wheat Biryani

 

તૈયારી માટે ૧૦ મિનિટ

બનાવવા માટે ૩૦ મિનિટ

૪ વ્યક્તિ માટે

 

સામગ્રી :

ઘઉ બાફેલા ૧ કપ

તેલ ૩ ટેબલ સ્પૂન

તમાલપત્ર ૨

લીમડો ૪-૫

સૂકા લાલ મરચાં ૨

આદુ-લસણ-મરચાં ની પેસ્ટ ૧ ટેબલ સ્પૂન

લીલી ડુંગળી સમારેલી ૧/૨ કપ

કેપ્સિકમ સમારેલા મોટા ટુકડા ૧/૨ કપ

ટમેટાં સમારેલા મોટા ટુકડા ૨ ટમેટાં

મીક્ષ વેજીટેબલ સમારેલા મોટા ટુકડા બાફેલા ૨ કપ

(ગાજર, ફણસી, લીલા વટાણા, બટેટા, ફૂલકોબી વગેરે)

લાલ મરચું પાઉડર ૧ ટેબલ સ્પૂન

હળદર ૧ ટી સ્પૂન

ધાણાજીરું ૧ ટી સ્પૂન

ગરમ મસાલો ૧ ટી સ્પૂન

વરીયાળી નો પાઉડર ૧ ટેબલ સ્પૂન

ધાણાભાજી ૨ ટેબલ સ્પૂન

કાજુ તળેલા ૧/૪ કપ

મીઠું સ્વાદ મુજબ

 

રીત :

ઘઉ કમ સે કમ ૮ કલાક માટે પાણીમાં પલાળી રાખો. પછી બાફી લો. પછી ગાળીને પાણી કાઢી નાખો. ઘઉ એક બાજુ રાખી દો.

 

એક પૅન માં ઘી ગરમ કરો. એમાં તમાલપત્ર, લીમડો, સૂકા લાલ મરચાં અને આદુ-લસણ-મરચાં ની પેસ્ટ ઉમેરો.

 

સાંતડાઈ જાય એટલે એમાં સમારેલી લીલી ડુંગળી, કેપ્સિકમ અને ટમેટાં ઉમેરો. છૂંદાઈ ના જાય એ ખ્યાલ રાખી ધીરે ધીરે હલાવી મીક્ષ કરો.

 

મીઠું, લાલ મરચું પાઉડર, હળદર, ધાણાજીરું, ગરમ મસાલો અને વરીયાળી નો પાઉડર ઉમેરો. સામગ્રી છૂંદાઈ ના જાય એ ધ્યાન રાખી હળવે હળવે હલાવી બરાબર મીક્ષ કરો.

 

બાફેલા મીક્ષ વેજીટેબલ ઉમેરો અને હળવે હળવે બરાબર મીક્ષ કરો.

 

બાફેલા ઘઉ ઉમેરો અને હળવે હળવે બરાબર મીક્ષ કરો.

 

એક સર્વિંગ બાઉલમાં લઈ લો.

 

ધાણાભાજી અને તળેલા કાજુ ભભરાવી સજાવો.

 

બિરયાની તો બહુ માણી..

 

પણ આ તો ઘઉ ની બિરયાની..

 

આયર્ન અને વિટામિન થી ભરપુર.. અતિ પૌષ્ટિક.. મિજબાની

 

Prep.10 min.

Cooking time 30 min.

Qty. 4 Plates

Ingredients:
Wheat grains boiled 1 cup
Oil 3 tbsp
Cinnamon Leaves 2Continue Reading

ઝાંઝીબાર મિક્સ / Zanzibar Mix

 

તૈયારી માટે ૨૦ મિનિટ

બનાવવા માટે ૩૦ મિનિટ

૪ સર્વિંગ

 

સામગ્રી :

ચોળી ના ભજીયા માટે :

ચોળી ની દાળ પલાળેલી ૧ કપ

મરચાં ની પેસ્ટ ૧ ટી સ્પૂન

મીઠું સ્વાદ મુજબ

તળવા માટે તેલ

 

બટેટા વડા માટે :

બટેટા બાફેલા છાલ કાઢેલા ૨

લસણ ની ચટણી ૧ ટી સ્પૂન

લીંબુ નો રસ ૧/૨ ટી સ્પૂન

બેસન ૧/૨ કપ

મેંદો ૧/૨ કપ

મરચાં જીણા સમારેલા ૧/૨ ટી સ્પૂન

સોડા-બાય-કાર્બ ચપટી

મીઠું સ્વાદ મુજબ

તળવા માટે તેલ

 

સૉસ માટે :

બટેટા છાલ કાઢી જીણા સમારેલા ૧

મરચાં જીણા સમારેલા ૨

મેંદો ૧ ટી સ્પૂન

મીઠું સ્વાદ મુજબ

 

નારિયળ ની ચટણી માટે :

તાજું નારિયળ નું ખમણ ૧ કપ

મરચાં જીણા સમારેલા ૩

લીંબુ નો રસ ૧/૨ ટી સ્પૂન

મીઠું સ્વાદ મુજબ

 

સજાવવા અને સાથે પીરસવા માટે :

પીરી પીરી સૉસ ૧ ટેબલ સ્પૂન

કાચી કેરી ની પેસ્ટ ૧ ટેબલ સ્પૂન

કસાવા (મોગો) ચીપ્સ ૧/૪ કપ

તળેલા સીંગદાણા ૧ ટેબલ સ્પૂન

 

રીત :

ચોળી ના ભજીયા માટે :

પલાળેલી ચોળી ની દાળ પાણીમાંથી કાઢી લઈ, પીસી લો.

 

એમાં મરચાં ની પેસ્ટ અને મીઠું ઉમેરો. બરાબર મિક્સ કરી જરા કઠણ મિશ્રણ તૈયાર કરો.

 

એક કડાઈમાં તળવા માટે તેલ ગરમ કરો.

 

તૈયાર કરેલા મિશ્રણ ના નાના નાના લુવા ગરમ તેલમાં તળવા માટે મુકો.

 

બધા લુવા મધ્યમ તાપે આકરા તળી લો.

 

બરાબર તળાય જાય એટલે તેલમાંથી કાઢી લઈ, કિચન ટીસ્યુ ઉપર મુકો જેથી વધારાનું તેલ કિચન ટીસ્યુ માં સોસાય જાય.

 

બટેટા વડા માટે :

બાફેલા અને છાલ કાઢેલા બટેટા એક બાઉલમાં લો.

 

એમાં લસણ ની ચટણી, લીંબુ નો રસ, જીણા સમારેલા મરચાં અને મીઠું ઉમેરો.

 

બટેટા અધકચરા છુંદી, બધુ બરાબર મિક્સ કરો.

 

બીજા એક બાઉલમાં, બેસન અને મેંદો સાથે લો.

 

એમાં મીઠું અને સોડા-બાય-કાર્બ ઉમેરો. થોડું પાણી ઉમેરો અને બરાબર મિક્સ કરી ઘાટી સ્લરી તૈયાર કરો.

 

તૈયાર કરેલા બટેટાના મિશ્રણમાંથી નાના નાના બોલ બનાવો.

 

એક કડાઈમાં તળવા માટે તેલ ગરમ કરો.

 

એક પછી એક, બટેટાના બધા બોલ તૈયાર કરેલી સ્લરીમાં જબોળી, તરત જ ગરમ થયેલા તેલમાં તળવા માટે મુકો.

 

બધી બાજુ બરાબર તળવા માટે થોડી વારે બોલને તેલમાં ફેરવો.

 

બરાબર તળાય જાય એટલે તેલમાંથી કાઢી લઈ, કિચન ટીસ્યુ ઉપર મુકો જેથી વધારાનું તેલ કિચન ટીસ્યુ માં સોસાય જાય.

 

સૉસ માટે :

એક નાના બાઉલમાં મેંદો લો. થોડું પાણી ઉમેરી, મિક્સ કરી, સ્લરી તૈયાર કરો.

 

એક પૅન માં ૨ ગ્લાસ જેટલું પાણી ગરમ કરો.

 

એમાં સમારેલા બટેટા ઉમેરો અને બાફી લો.

 

બટેટા બરાબર બફાઈ જાય એટલે મીઠું, સમારેલા મરચાં અને તૈયાર કરેલી સ્લરી ઉમેરો. મિક્સ કરો અને મધ્યમ તાપે ૩ થી ૪ મિનિટ માટે ઉકાળો.

 

પછી, તાપ પરથી પૅન હટાવી લો અને એક બાજુ રાખી દો.

 

નારિયળ ની ચટણી માટે :

એક નાના બાઉલમાં તાજું નારિયળ નું ખમણ લો.

 

એમાં લીંબુ નો રસ, સમારેલા મરચાં અને મીઠું ઉમેરો.

 

આ મિશ્રણ ને મીક્ષરની એક જારમાં લો. થોડું પાણી ઉમેરો. ૨૦ થી ૩૦ સેકંડ માટે હાઇ સ્પીડ પર પીસી લો. નાના બાઉલમાં લઈ લો.

 

નારિયળ ની ચટણી તૈયાર છે.

 

સજાવવા અને પીરસવા માટે :

એક મોટા સર્વિંગ બાઉલમાં ચોળી ના ભજીયા અને બટેટા વડા લો.

 

એની ઉપર તૈયાર કરેલો સૉસ બરાબર ફેલાવીને રેડો.

 

એની ઉપર સજાવટની રીતે તૈયાર કરેલી નારિયળ ની ચટણી, પીરી પીરી સૉસ, કાચી કેરી ની પેસ્ટ બરાબર ફેલાવીને રેડો.

 

એની ઉપર તળેલા સીંગદાણા છાંટી દો અને કસાવા ની ચીપ્સ ગોઠવી દો.

 

જોઈને જ મોઢામાં પાણી આવે એવું સરસ દેખાય છે ને..!!!

 

તાજગીભર્યા અસલ સ્વાદ માટે તાજે તાજું જ પીરસો.

 

ભારતીય લોકો થી ભરચક, ઈસ્ટ આફ્રિકા ના દેશ, ટાન્ઝાનિયા નું સ્ટ્રીટ ફૂડ, કુદરતી પૌષ્ટિક તત્વોથી ભરપુર, ઝાંઝીબાર મિક્સ.

 

Prep.20 min.

Cooking time 30 min.

Servings 4

Ingredients:

For Black Eyed Beans Fry:

Black Eyed Beans split (soaked) 1 cupContinue Reading

પુરણ પોડી કોકોનટ ક્રીમ સાથે / Puran Podi with Coconut Cream

 

તૈયારી માટે ૧૦ મિનિટ

બનાવવા માટે ૩૦ મિનિટ

૬ નંગ

 

સામગ્રી :

લોટ માટે :

ઘઉ નો લોટ ૧ કપ

તેલ ૨ ટેબલ સ્પૂન

 

પુરણ માટે :

તુવેરદાળ બાફેલી ૧ કપ

ઘી ૨ ટેબલ સ્પૂન

ખાંડ ૧/૨ કપ

એલચી પાઉડર ચપટી

ઘી, સાંતડવા માટે

 

કોકોનટ ક્રીમ માટે :

ક્રીમ / મલાઈ ૧/૪ કપ

કન્ડેન્સ મિલ્ક ૧/૪ કપ

દૂધ ૧/૪ કપ

કોકોનટ મિલ્ક પાઉડર ૩ ટેબલ સ્પૂન

સૂકો મેવો મિક્સ ૧ ટેબલ સ્પૂન

 

સજાવટ માટે :

સૂકો મેવો

ચાંદીનો વરખ

 

રીત :

કોકોનટ ક્રીમ માટે :

એક બાઉલમાં દૂધ અને કોકોનટ મિલ્ક પાઉડર મિક્સ કરો.

 

એમાં ક્રીમ, કન્ડેન્સ મિલ્ક અને સૂકો મેવો મિક્સ કરો.

 

હવે, ધીમા-મધ્યમ તાપે હલાવતા રહી થોડી વાર માટે ઉકાળો.

 

ઘાટુ થઈ જાય એટલે તાપ પરથી પૅન હટાવી લો અને ઠંડુ થવા થોડી વાર રાખી મુકો.

 

પુરણ માટે :

એક પૅનમાં સાંતળવા માટે ઘી ગરમ કરો.

 

એમાં બાફેલી તુવેરદાળ ઉમેરી, સાંતળી લો.

 

પછી એમાં ખાંડ ઉમેરી, બરાબર મીક્ષ કરી, સાંતળવાનું ચાલુ રાખો.

 

પુરણ ઘટ્ટ થઈ જાય એટલે એમાં એલચી ઉમેરી, બરાબર મીક્ષ કરી દો.

 

પુરણ તૈયાર છે. એક બાજુ રાખી દો.

 

પુરણ પોડી બનાવવા માટે :

એક કથરોટમાં ઘઉ નો લોટ લો.

 

એમાં તેલ ઉમેરો. બરાબર મિક્સ કરો.

 

જરૂર મુજબ થોડું થોડું પાણી ઉમેરતા જઇ જરા નરમ લોટ બાંધી લો.

 

લોટમાંથી લુવો લઈ મધ્યમ સાઇઝ નો બોલ બનાવો. એમાંથી જાડી અને નાની રોટલી વણી લો.

 

એની વચ્ચે ૧ થી ૨ ટેબલ સ્પૂન જેટલું પુરણ મુકો. રોટલીના છેડા વાળી લઈ પુરણ રેપ કરી દો અને ફરી વણી લો. પુરણ બહાર ના નીકળી જાય એ કાળજી રાખવી. રોટલી વણતી વખતે જરૂર લાગે ત્યારે કોરા લોટ નો ઉપયોગ કરવો જેથી વણવામાં સરળ રહેશે અને ચોંટશે નહી.

 

આ રીતે બધી પુરણ પોડી વણી લો.

 

એક પછી એક, બધી પુરણ પોડી, ઘી નો ઉપયોગ કરી, સેલો ફ્રાય કરી લો.

 

એક સર્વિંગ બાઉલમાં થોડું કોકોનટ ક્રીમ લો. એમાં પુરણ પોડી લો.

 

એની પર થોડો સૂકો મેવો છાંટો અને ચાંદી નો વરખ મૂકી આકર્ષક બનાવો.

 

ગરમા ગરમ પીરસો.

 

મસ્ત મીઠી મુલાયમ પુરણ પોડી.

 

Prep.10 min.

Cooking time 30 min.

Yield 6 pcs.

Ingredients:

For Dough:

Wheat Flour 1 cup

Oil 2 tbspContinue Reading

મલ્ટી ગ્રેઇન મસાલા ભાખરી / Multigrain Masala Bhakhri / Multigrain Spiced Bhakri

 

તૈયારી માટે ૫ મિનિટ

બનાવવા માટે ૧૫ મિનિટ

૭ ભાખરી

 

સામગ્રી :

ઘઉ નો લોટ ૧/૨ કપ

બાજરી નો લોટ ૧/૪ કપ

જુવાર નો લોટ ૧/૪ કપ

મકાઇ નો લોટ ૧/૪ કપ

ચણા નો લોટ ૧/૪ કપ

રવો / સૂજી ૧/૪ કપ

મેથી ની ભાજી ૧/૨ કપ

તલ ૧ ટેબલ સ્પૂન

હળદર ૧/૨ ટી સ્પૂન

લાલ મરચું પાઉડર  ૧/૨ ટી સ્પૂન

મીઠું ૧ ટી સ્પૂન

આદુ-મરચાં ની પેસ્ટ ૧ ટેબલ સ્પૂન

ઘી ૧ ટેબલ સ્પૂન

તેલ ૨ ટેબલ સ્પૂન

દહી ૨ ટેબલ સ્પૂન

 

રીત :

એક કથરોટમાં એકીસાથે, ઘઉ નો લોટ, બાજરી નો લોટ, જુવાર નો લોટ, મકાઇ નો લોટ, ચણા નો લોટ અને રવો લો. બરાબર મીક્ષ કરો.

 

એમાં મેથી ની ભાજી, તલ, હળદર, લાલ મરચું પાઉડર અને મીઠું ઉમેરો. બરાબર મીક્ષ કરો.

 

આદુ-મરચાં ની પેસ્ટ, ઘી, તેલ અને દહી ઉમેરો. બરાબર મીક્ષ કરો.

 

જરૂર મુજબ થોડું થોડું પાણી ધીરે ધીરે ઉમેરતા જઇ એકદમ કઠણ લોટ બાંધી લો.

 

બાંધેલા લોટમાંથી મધ્યમ સાઇઝના બોલ બનાવો અને જાડી ગોળ રોટલી વણી લો. રોટલીના કિનારીઓ કાપા વારી થશે.

 

 

ધીમા-મધ્યમ તાપે એક તવો ગરમ કરી, એના પર બરાબર સેકી લો.

 

આ રીતે બધી ભાખરી બનાવી લો.

 

પસંદ પ્રમાણે દહી કે રાયતા સાથે ગરમ પીરસો.

 

સાદી અને સ્વાદિષ્ટ ભાખરી નાસ્તામાં કે સાંજના ભોજનમાં આરોગો.

 

નિશાળે જતાં બાળકોના લંચબોક્સમાં પણ મુકી શકાય.

 

Prep.5 min.

Cooking time 15 min.

Yield 7 pcs.

Ingredients:

Wheat Flour ½ cup

Millet Flour ¼ cupContinue Reading

મગ ની દાળ ના ઘૂઘરા / સ્ટીમ કરેલા ઘૂઘરા / Green Gram Farre / Steamed Farre

 

તૈયારી માટે ૧૫ મિનિટ

બનાવવા માટે ૨૦ મિનિટ

૪ પ્લેટ

 

સામગ્રી :

લોટ માટે :

મેંદો ૧/૨ કપ

રવો / સૂજી ૧/૪ કપ

ચોખા નો લોટ ૧/૨ કપ

તેલ ૧ ટી સ્પૂન

સોડા-બાય-કાર્બ ચપટી

મીઠું સ્વાદ મુજબ

 

પુરણ માટે :

મગ દાળ પીળી ૧ કપ

(કમ સે કમ ૧ કલાક પલાળેલી)

આદુ નાનો ટુકડો ૧

લીલા મરચાં ૩

ખાંડ ૧ ટી સ્પૂન

લીંબુ ૧/૨

તજ પાઉડર ચપટી

લવિંગ પાઉડર ચપટી

ગરમ મસાલો ૧ ટી સ્પૂન

ધાણાભાજી ૨ ટી સ્પૂન

તાજું નારિયળ ખમણેલું ૧ ટેબલ સ્પૂન

મીઠું સ્વાદ મુજબ

 

વઘાર માટે :

તેલ ૧ ટેબલ સ્પૂન

રાય ૧ ટી સ્પૂન

જીરું ૧ ટી સ્પૂન

હિંગ ચપટી

લીમડો ૪-૫

સૂકા લાલ મરચાં ૨-૩

તલ ૧ ટી સ્પૂન

હળદર ૧/૨ ટી સ્પૂન

લાલ મરચું પાઉડર ૧ ટી સ્પૂન

ગરમ મસાલો ૧ ટી સ્પૂન

ખાંડ ૧ ટી સ્પૂન

મીઠું સ્વાદ મુજબ

 

રીત :

લોટ માટે :

એક કથરોટમાં મેંદો, રવો અને ચોખા નો લોટ મીક્ષ કરો.

 

એમાં તેલ, સોડા-બાય-કાર્બ અને મીઠું ઉમેરો.

 

જરૂર મુજબ થોડું થોડું પાણી ધીરે ધીરે ઉમેરતા જઇ, જરા નરમ લોટ બાંધી લો. એક બાજુ રાખી દો.

 

પુરણ માટે :

મીક્ષરની જારમાં, મગ ની પીળી દાળ, આદુ અને લીલા મરચાં લો. એકદમ જીણું પીસી લો અને એક બાઉલમાં લઈ લો.

 

એમાં ખાંડ, લીંબુ નો રસ, તજ પાઉડર, લવિંગ પાઉડર, ગરમ મસાલો, મીઠું, ધાણાભાજી અને ખમણેલું તાજું નારિયળ ઉમેરો. બધુ બરાબર મીક્ષ કરી લો. પુરણ તૈયાર છે. એક બાજુ રાખી દો.

 

બાંધેલા લોટમાંથી નાની નાની પૂરીઓ વણી લો.

 

એક પછી એક, દરેક પુરી પર, વચ્ચે, ૧ થી ૨ ટેબલ સ્પૂન જેટલું પુરણ મુકો.

 

પુરીના છેડા વાળી ઘૂઘરા / ગુજીયા નો આકાર આપો. પુરીના છેડા ચોંટાડી દો.

 

ઘૂઘરા ના મોલ્ડ થી ઝડપથી બધા ઘૂઘરા તૈયાર થઈ શકશે.

 

એક સ્ટીમરમાં પાણી ગરમ કરવા મુકો અને સ્ટીમર ની પ્લેટ મુકી દો. પાણી ગરમ થી જાય એટલે બધા ઘૂઘરા સ્ટીમરની પ્લેટ પર ગોઠવી દો. બધા ઘૂઘરા અલગ અલગ રાખવા, એક-બીજા ની ઉપર ના મૂકવા.

 

બધા ઘૂઘરા બરાબર સ્ટીમ થઈ જાય એટલે બધા ઘૂઘરા સ્ટીમરમાંથી કાઢી એક પ્લેટ પર મુકી દો.

 

વઘાર માટે :

એક પૅન માં ધીમા તાપે તેલ ગરમ કરો. એમાં રાય, જીરું, હિંગ, લીમડો, સૂકા લાલ મરચાં અને તલ ઉમેરો.

 

તતડે એટલે એમાં સ્ટીમ કરેલા બધા ઘૂઘરા ઉમેરો.

 

હળદર, લાલ મરચું પાઉડર, ગરમ મસાલો, ખાંડ અને મીઠું ઉમેરો.

 

મીઠું ઉમેરતી વખતે યાદ રાખો કે ઘૂઘરા ની અંદર પુરણમાં પણ મીઠું છે અને એ હિસાબે મીઠાનું પ્રમાણ ઉમેરવું.

 

ઘૂઘરા તૂટી ના જાય એ કાળજી રાખી બધા ઘૂઘરા ઉપર-નીચે ફેરવી મસાલામાં બરાબર મીક્ષ કરો.

 

પૅન ના તળીયે મસાલા અને ઘૂઘરા બળી ના જાય એ માટે સતત ધીમા તાપે જ પકાવો.

 

આશરે ૨ થી ૩ મિનિટ લાગશે.

 

કેચપ અથવા ઘરે બનાવેલી કોઈ પણ ચટણી સાથે ગરમા ગરમ પીરસો.

 

તળેલા ઘૂઘરા પેટમાં બહુ ભારી લાગે છે ને..!!!

 

લો આ રહ્યા હળવાફૂલ ઘૂઘરા.. સ્ટીમ કરેલા ઘૂઘરા..

 

Prep.15 min.

Cooking time 20 min.

Qty. 4 Plates

Ingredients:
For Dough:
Refined White Wheat Flour ½ cup
Semolina ¼ cupContinue Reading

error: Content is protected !!