તુરીયા પાતરા / Turiya patra / Colocasia with Ridge gourd

 

તૈયારી માટે ૧૦ મિનિટ

બનાવવા માટે ૧૫ મિનિટ

૨ પ્લેટ

 

સામગ્રી :

પાતરા માટે :

બેસન ૧ કપ

લાલ મરચું પાઉડર ૧ ટી સ્પૂન

હળદર ૧/૨ ટી સ્પૂન

ગરમ મસાલો ૧/૨ ટી સ્પૂન

આમલી ની પેસ્ટ ૧ ટી સ્પૂન

સોડા-બાય-કાર્બ ચપટી

મીઠું સ્વાદ મુજબ

અળવી ના પાન / પાતરા

 

તુરીયા માટે :

તેલ ૧ ટેબલ સ્પૂન

રાય ૧ ટેબલ સ્પૂન

જીરું ૧/૨ ટી સ્પૂન

હિંગ ચપટી

તુરીયા જીણા સમારેલા ૨

લસણ ની પેસ્ટ ૧ ટી સ્પૂન

હળદર ૧ ટી સ્પૂન

લાલ મરચું પાઉડર ૧ ટી સ્પૂન

ધાણાજીરું ૧ ટી સ્પૂન

ટમેટાં જીણા સમારેલા ૧

મીઠું સ્વાદ મુજબ

 

સજાવવા માટે, ધાણાભાજી અથવા નારિયળ નો પાઉડર અથવા જીણા સમારેલા ટમેટાં અથવા આમાંથી કોઈ પણ ૨ સામગ્રી

 

રીત :

એક બાઉલમાં બેસન લો. એમાં લાલ મરચું પાઉડર, હળદર, ગરમ મસાલો, આમલી ની પેસ્ટ, સોડા-બાય-કાર્બ અને મીઠું ઉમેરો. બરાબર મિક્સ કરો. થોડું પાણી ઉમેરો, બરાબર મિક્સ કરી, ઘાટી પેસ્ટ બનાવી લો.

 

અળવી ના પાન બરાબર ધોઈ લો. પાનની વચ્ચેની જાડી નસ, ચપ્પુ વડે કાપી લો. પાન તુટી ના જાય કે પાન માં કાણું ના પડી જાય એ કાળજી રાખવી.

 

પછી, બધા પાન લંબચોરસ આકારમાં કાપી લો અને બધા ટુકડા ઉપર તૈયાર કરેલી પેસ્ટ લગાવી દો.

 

એક પછી એક, બધા ટુકડાને વાળીને ચારે ય બાજુથી વાળીને પડીકું વાળી લો. રોલ બનાવી લો. એક બાજુ રાખી દો.

 

એક પૅન માં તેલ ગરમ કરો.

 

એમાં રાય, જીરું, હિંગ ઉમેરો.

 

તતડે એટલે જીણા સમારેલા ટમેટાં, લસણ ની પેસ્ટ, હળદર, લાલ મરચું પાઉડર, ધાણાજીરું અને મીઠું ઉમેરો. બરાબર મિક્સ કરો.

 

પછી એમાં જીણા સમારેલા તુરીયા ઉમેરો અને બરાબર મિક્સ કરો.

 

થોડું પાણી ઉમેરો અને મિશ્રણની ઉપર પાતરાના રોલ ગોઠવો.

 

પૅન ઢાંકી દો અને ધીમા-મધ્યમ તાપે ૮ થી ૧૦ મિનિટ માટે પકાવો.

 

સર્વિંગ બાઉલમાં લઈ લો.

 

પસંદ મુજબ, ધાણાભાજી અથવા નારિયળના પાઉડર અથવા જીણા સમારેલા ટમેટાં અથવા આમાંથી કોઈ પણ ૨ સામગ્રી છાંટી સજાવો.

 

ગરમ અને સુકા ઉનાળામાં પણ લીલાછમ શાકભાજી સાથે ભોજન નો આનંદ લો.

 

Prep.10 min.

Cooking time 15 min.

Qty. 2 Plates

Ingredients:

For Patra (Colocasia):

Gram Flour 1 cup

Red Chilli Powder 1 ts

Turmeric Powder ½ tsContinue Reading

error: Content is protected !!