Posts Tagged with sabudana recipes

 

તૈયારી માટે ૫ મિનિટ

બનાવવા માટે ૧૦ મિનિટ

૪ સર્વિંગ

 

સામગ્રી :

સાબુદાણા ૧ કપ

બટેટા બાફેલા ૧

સીંગદાણા પીસેલા ૨ ટેબલ સ્પૂન

મરચાં સમારેલા ૧

ધાણાભાજી ૧ ટેબલ સ્પૂન

જીરું ૧ ટી સ્પૂન

લીંબુ ૧

ખાંડ ૧ ટી સ્પૂન

મીઠું સ્વાદ મુજબ

સેકવા માટે તેલ

ચટણી અથવા સૉસ અથવા કેચપ

 

રીત :

આશરે ૩૦ મિનિટ માટે સાબુદાણા પલાળી દો. પછી વધારાનું પાણી કાઢી નાખો.

 

હવે, પલાળેલા સાબુદાણામાં, બાફેલા બટેટા, પીસેલા સીંગદાણા, સમારેલા મરચાં, ધાણાભાજી, જીરું, લીંબુ નો રસ, ખાંડ અને મીઠું ઉમેરો, બરાબર મિક્સ કરો અને કઠણ લોટ બાંધી લો. પાણી ઉમેરવાની જરૂર નથી.

 

બાંધેલા લોટમાંથી થોડો લઈ, જાડી રોટલી જેવુ વણી લો અને વચ્ચે એક કાણું પાડી દો, જેથી સેકવા વખતે પરપોટા ના થાય. થાલીપીઠ વણાઈ ગઈ.

 

આ રીતે બધા લોટમાંથી થાલીપીઠ વણી લો. એક બાજુ રાખી દો.

 

મધ્યમ તાપે એક તવો ગરમ કરો. સરળતા માટે નોન-સ્ટિક તવો ઉપયોગ કરવો.

 

ગરમ થયેલા તવા પર થોડું તેલ લગાવો.

 

પછી, એની ઉપર એક થાલીપીઠ મુકો.

 

નીચેની બાજુ અધકચરી સેકાય જાય એટલે એને તવા પર ઉલટાવો.

 

હવે, થાલીપીઠની ઉપરની બાજુ થોડું તેલ લગાવી દો.

 

ફરી, થાલીપીઠ ને તવા પર ઉલટાવો.

 

ફરી, થાલીપીઠની ઉપરની બાજુ થોડું તેલ લગાવી દો.

 

ફરી એક વાર, થાલીપીઠ ને તવા પર ઉલટાવો.

 

આ રીતે બન્ને બાજુ બરાબર સેકાય જાય એટલે થાલીપીઠ ને તવા પરથી લઈ લો અને સર્વિંગ પ્લેટ પર મુકો.

 

પસંદ પ્રમાણે, ચટણી, સૉસ કે કેચપ સાથે ગરમા ગરમ પીરસો.

 

ભારતના એક રંગીન રાજ્ય, મહારાષ્ટ્રની એક અનોખી વાનગી, સાબુદાણા થાલીપીઠ.