Snacks

તૈયારી માટે ૧૦ મિનિટ

બનાવવા માટે ૩૦ મિનિટ

૪ પ્લેટ

સામગ્રી :

કટલેટ માટેના મિશ્રણ માટે :

તેલ ૧ ટી સ્પૂન

લસણ-મરચાં સમારેલા ૧ ટેબલ સ્પૂન

આદું ખમણેલો ૧/૨ ટી સ્પૂન

ડુંગળી સમારેલી ૧

મિક્સ વેજીટેબલ સમારેલા ૧ કપ

(ગાજર, કોબી, કેપ્સિકમ, ફુલકોબી વગેરે)

સેઝવાન મસાલો ૧ ટેબલ સ્પૂન

નૂડલ્સ બાફેલા ૧ કપ

ચોખા બાફેલા ૧/૨ કપ

સેઝવાન ચટણી ૧ ટેબલ સ્પૂન

કેચપ ૧ ટી સ્પૂન

તાજી બ્રેડ નો ભુકો ૩ થી ૪ ટેબલ સ્પૂન

કોટિંગ માટે :

મેંદો અને બેસન ની સ્લરી ૧ કપ

સુકી બ્રેડ નો ભુકો ૧/૨ કપ

સાથે પીરસવા માટે ચટણી અથવા કેચપ

રીત :

એક પૅન માં તેલ ગરમ કરો.

એમાં સમારેલું લસણ અને મરચાં ઉમેરો. સાંતડી લો.

ખમણેલો આદું અને સમારેલા મિક્સ વેજીટેબલ ઉમેરો. મધ્યમ તાપે પકાવતા મિક્સ કરો.

પાકી જવા આવે એટલે એમાં સેઝવાન મસાલો ઉમેરો. મિક્સ કરો.

તાપ પરથી પૅન હટાવી લો અને એક બાઉલમાં લઈ લો.

હવે એમાં, બાફેલા નૂડલ્સ, બાફેલા ચોખા, સેઝવાન ચટણી, કરચપ અને તાજી બ્રેડ નો ભુકો ઉમેરો, બરાબર મિક્સ કરો. કટલેટ માટે મિશ્રણ તૈયાર છે.

આ મિશ્રણમાંથી નાના નાના એકસરખી સાઇઝના બોલ બનાવી લો.

એક પછી એક, બધા બોલ સ્લરીમાં જબોળી, તરત જ સુકી બ્રેડ ના ભુકા માં રગદોળી, કોટ કરી લો અને કટલેટ મોલ્ડમાં આકાર આપો અથવા બે હથેળી વચ્ચે હળવેથી દબાવી દો.

બધી કટલેટ શેલૉ ફ્રાય કરી લો. નરમ કટલેટ માટે આછી ગુલાબી અને કરકરી કટલેટ માટે જરા આકરી શેલૉ ફ્રાય કરો.

ચટણી અથવા કેચપ સાથે પીરસો. સેઝવાન સૉસ સાથે વધારે સ્વાદિષ્ટ લાગશે.

તૈયારી માટે ૨૦ મિનિટ

બનાવવા માટે ૧૦ મિનિટ

૧૨ સમોસા

સામગ્રી :

પડ માટે :

મકાઇ નો લોટ/કૉર્ન ફ્લૉર ૧/૨ કપ

મેંદો ૧/૨ કપ

ચીલી ફલૅક્સ ૧ ટી સ્પૂન

તેલ ૧ થી ૨ ટી સ્પૂન

પાણી

મીઠું સ્વાદ મુજબ

પુરણ માટે :

તેલ ૧ ટેબલ સ્પૂન

ડુંગળી જીણી સમારેલી ૧

લસણ-મરચાં ની પેસ્ટ ૧ ટેબલ સ્પૂન

મેક્સીકન સીઝનીંગ ૧ ટી સ્પૂન

રાજમા ૧ કપ

મકાઇ ૧/૪ કપ

કેચપ ૧ ટેબલ સ્પૂન

લીંબુ ૧/૨

ધાણાભાજી ૧ ટેબલ સ્પૂન

ચીઝ ક્યૂબ

મેંદો ૨ થી ૩ ટેબલ સ્પૂન

તેલ તળવા માટે

રીત :

પડ માટે :

એક બાઉલમાં મકાઇ નો લોટ, મેંદો અને મીઠું મીક્ષ કરો.

૧ થી ૨ ટી સ્પૂન જેટલું તેલ ઉમેરો. મીક્ષ કરો.

જરૂર મુજબ થોડું થોડું પાણી ઉમેરતા જઇ લોટ બાંધી લો.

બાંધેલો લોટ ૧૦ થી ૧૫ મિનિટ માટે રાખી મુકો.

પછી, બાંધેલા લોટમાંથી આછી રોટલીઓ વણી લો અને ધીમા-મધ્યમ તાપે અધકચરી સેકી લો.

બધી રોટલીઓ વચ્ચેથી ૨ ટુકડામાં કાપી લો.

બધા ટુકડાઓ એક ભીના કપડામાં વીંટાળી રાખી દો.

પુરણ માટે :

૧૦ થી ૧૨ કલાક માટે રાજમા પલાળી દો.

રાજમા અને મકાઇ અલગ અલગ બાફી લો. પછી, વધારાનું પાણી કાઢી નાખો.

એક પૅન માં ૧ ટેબલ સ્પૂન જેટલું તેલ ગરમ કરો.

એમાં સમારેલી ડુંગળી ઉમેરો અને સાંતડી લો.

લસણ-મરચાં ની પેસ્ટ, બાફેલા રાજમા અને મકાઇ ઉમેરો. બરાબર મીક્ષ કરો.

મેક્સીકન સીઝનીંગ ઉમેરો. મીક્ષ કરો.

કેચપ ઉમેરો. મીક્ષ કરો.

તાપ પરથી પૅન હટાવી લો.

લીંબુ નો રસ, ધાણાભાજી અને ચીઝ ક્યૂબ ઉમેરો. બરાબર મીક્ષ કરી દો.

પુરણ તૈયાર છે.

સમોસા માટે :

૨ થી ૩ ટેબલ સ્પૂન જેટલો મેંદો એક વાટકીમાં લો. એમાં થોડું પાણી ઉમેરી પેસ્ટ બનાવી લો.

રોટલીનો ૧ ટુકડો લો.

એની વચ્ચે ૧ થી ૨ ટી સ્પૂન જેટલું પુરણ મુકો.

દરેક સમોસામાં પુરણમાં કમ સે કમ એક ચીઝ ક્યૂબ ખાસ આવે એ જોવું.

રોટલીના છેડા વાળી ત્રિકોણ આકાર આપો.

મેંદાની પેસ્ટથી છેડા ચોંટાડી દો.

આ રીતે બધા સમોસા તૈયાર કરી લો.

મધ્યમ તાપે તળવા માટે તેલ ગરમ કરો.

બધા સમોસા તળી લો. નરમ સમોસા જોઈએ તો આછા ગુલાબી અને કરકરા સમોસા જોઈએ તો આકરા તળવા.

સાલસા સૉસ સાથે પીરસો.

મેક્સીકન સમોસા નો સ્વાદ માણો.