Snacks

સ્ટફ્ડ બનાના વડા / Stuffed Banana Vada / Stuffed Banana Fritter

calcium rich, Celebration recipes, Festivals, Gujrati, Healthy recipes, Jain recipes, Kathiyawadi recipes, Main course, Snacks
Posted on 1 Comment on સ્ટફ્ડ બનાના વડા / Stuffed Banana Vada / Stuffed Banana Fritter
 

તૈયારી માટે ૧૦ મિનિટ

બનાવવા માટે ૧૦ મિનિટ

૨ પ્લેટ

 

સામગ્રી :

પાકા કેળા ૨

તળવા માટે તેલ

 

પુરણ માટે :

આદું-મરચાં ની પેસ્ટ ૧ ટેબલ સ્પૂન

લાલ મરચું પાઉડર ૧ ટી સ્પૂન

હળદર ૧ ટી સ્પૂન

ધાણાજીરું ૨ ટી સ્પૂન

ગરમ મસાલો ૧ ટી સ્પૂન

આમચૂર ૧ ટી સ્પૂન

સૂકા નારિયળ નો પાઉડર ૨ ટી સ્પૂન

સેવ ૨ ટેબલ સ્પૂન

ધાણાભાજી ૧ ટી સ્પૂન

મીઠું સ્વાદ મુજબ

 

ખીરા માટે :

બેસન ૧/૨ કપ

લાલ મરચું પાઉડર ૧/૨ ટી સ્પૂન

ધાણાજીરું ૧/૨ ટી સ્પૂન

ગરમ મસાલો ૧/૨ ટી સ્પૂન

સોડા-બાય-કાર્બ ચપટી

મીઠું સ્વાદ મુજબ

પાણી

 

રીત :

પુરણ માટે :

બીજા એક બાઉલમાં પુરણ માટેની બધી સામગ્રી એકીસાથે લો. બરાબર મિક્સ કરી લો. પાણી ઉમેરવાની જરૂર નથી.

 

ખીરા માટે :

એક બાઉલમાં બેસન લો.

 

એમાં લાલ મરચું પાઉડર, ધાણાજીરું, ગરમ મસાલો, સોડા-બાય-કાર્બ અને મીઠું ઉમેરો. જરૂર મુજબ પાણી ઉમેરી, બધુ બરાબર મિક્સ કરી, ઘાટુ ખીરું તૈયાર કરો. એક બાજુ રાખી દો.

 

વડા માટે :

પાકા કેળાની છાલ ઉતારી, મધ્યમ સાઇઝના ટુકડા કાપી લો.

 

બધા ટુકડામાં વચ્ચેથી થોડો ભાગ કાપી લઈ, પુરણ ભરી શકાય એ માટે ખાંચો કરી લો અને એ ખાંચામાં પુરણ ભરી દો.

 

એક કડાઈમાં તળવા માટે તેલ ગરમ કરો.

 

ભરેલા કેળાના ટુકડા, તૈયાર કરેલા ખીરામાં જબોળી તરત જ તળવા માટે ગરમ તેલમાં મુકો.

 

બધી બાજુ બરાબર તળવા માટે થોડી વારે બધા વડાને તેલમાં ફેરવો. આછા ગુલાબી થઈ જાય ત્યા સુધી તળો.

 

કોઈ પણ ચટણી કે કેચપ સાથે ગરમા ગરમ પીરસો. હોટ & સ્વીટ સૉસ સાથે વધારે સ્વાદિષ્ટ લાગશે.

 

સ્ટફ્ડ બનાના વડા માણો. તીખા-મીઠા સ્વાદનો આનંદ માણો.

 

Prep.10 min.

Cooking time 10 min.

Qty. 2 Plates

Ingredients:

Ripe Banana                                       2

Oil to Deep FryContinue Reading

બેસન પાસ્તા / ફ્રેશ પાસ્તા / Besan Pasta / Fresh Pasta / Gram Flour Pasta

Celebration recipes, Fusion recipes, Healthy recipes, kids favorite, Snacks
Posted on 2 Comments on બેસન પાસ્તા / ફ્રેશ પાસ્તા / Besan Pasta / Fresh Pasta / Gram Flour Pasta
 

તૈયારી માટે ૧૫ મિનિટ

બનાવવા માટે ૧૦ મિનિટ

૨ પ્લેટ

 

સામગ્રી :

પાસ્તા માટે :

બેસન ૧ કપ

ઘઉ નો લોટ ૧ કપ

ચીલી ફલૅક્સ ૧/૨ ટી સ્પૂન

ઓરેગાનો ૧/૨ ટી સ્પૂન

તેલ ૧ ટી સ્પૂન

મીઠું સ્વાદ મુજબ

 

સૉસ માટે :

તેલ ૧ ટી સ્પૂન

માખણ ૧ ટેબલ સ્પૂન

લસણ ની પેસ્ટ ૧ ટી સ્પૂન

ડુંગળી સમારેલી ૧

ટોમેટો પ્યુરી ૧ કપ

ચીલી ફલૅક્સ ૧ ટી સ્પૂન

ઓરેગાનો ૧ ટી સ્પૂન

કેચપ ૧ ટી સ્પૂન

તબાસકો સૉસ ૧/૨ ટી સ્પૂન

મલાઈ ૧ ટી સ્પૂન

કૉર્ન ફ્લૉર સ્લરી ૧ ટી સ્પૂન

ચીઝ ખમણેલું

ઓલીવ

માખણ સાંતડવા માટે

 

રીત :

પાસ્તા માટે :

એક કથરોટમાં બેસન અને ઘઉ નો લોટ લો. ચીલી ફલૅક્સ, ઓરેગાનો, તેલ અને મીઠું મીક્ષ કરો. ધીરે ધીરે જરૂર મુજબ પાણી ઉમેરી જરા ઢીલો લોટ બાંધી લો.

 

લોટમાંથી નાના નાના બોલ બનાવી લો. બોલમાંથી થોડી જાડી રોટલી વણી લો. વણેલી બધી રોટલીમાંથી લંબચોરસ કાપી, વચ્ચેથી ચપટી વાળી, બૉ ટાઇ જેવો આકાર આપો. આ પ્રમાણે બધા પાસ્તા તૈયાર કરો. મધ્યમ તાપે ઉકડતા પાણીમાં બધા પાસ્તા બાફી લો. પાસ્તા એક બીજા સાથે ચોંટી ના જાય એ માટે ઉકળતા પાણીમાં થોડું તેલ નાખવું. પાસ્તા બફાઈ જાય એટલે આપોઆપ પાણીમાં ઉપર આવી જશે. હવે પાસ્તાને પાણીમાંથી કાઢી લો અને એક વાસણમાં છુટા છુટા રાખી ઠંડા કરી લો.

 

સૉસ માટે :

એક પૅન માં તેલ અને માખણ ગરમ કરો. સમારેલી ડુંગળી ઉમેરો અને નરમ થાય એટલી પકાવો. લસણ ની પેસ્ટ, ટોમેટો પ્યુરી, ચીલી ફલૅક્સ, ઓરેગાનો ઉમેરો અને બરાબર મીક્ષ કરો. કેચપ, તબાસકો સૉસ, મલાઈ અને કૉર્ન ફ્લૉર સ્લરી ઉમેરો. બરાબર મીક્ષ કરો. સૉસ તૈયાર છે.

 

સાંતડવા માટે એક પૅન માં ધીમા તાપે માખણ ગરમ કરો.એમાં પાસ્તા ઉમેરી ઝડપથી સાંતડી લો. જી હા, ઝડપથી સાંતડવા પડશે, નહીં તો પૅન ના તળીયે પાસ્તા ચોંટવા લાગશે, તૈયાર કરેલો સૉસ ઉમેરો. પાસ્તા છૂંદાય ના જાય એ રીતે બરાબર મીક્ષ કરો. આ બધી વિધિ દરમ્યાન તાપ ધીમો જ રાખવો. આશરે ફક્ત ૨-૩ મિનિટ જ થશે.

 

ખમણેલું ચીઝ છાંટી અને ઓલીવ ગોઠવીને સરસ સજાવો.

 

કહેવાતા જંક ફૂડ ની મજા માણો.. પણ તાજા અને પૌષ્ટિક રીતે બનાવીને..

 

Prep.15 min.

Cooking time 10 min.

Qty. 2 Plates

Ingredients:

For Pasta:

Gram Flour                              1 cupContinue Reading

વાટી દાળ ના લસણીયા ખમણ ઢોકળા / વાટી દાળ ના ખમણ ઢોકળા / Vati Dal na Lasaniya Khaman / Vati Dal Na Khaman

Breakfast recipes, calcium rich, Celebration recipes, Festivals, Gujrati, Healthy recipes, Indian, Kathiyawadi recipes, Snacks
Posted on 3 Comments on વાટી દાળ ના લસણીયા ખમણ ઢોકળા / વાટી દાળ ના ખમણ ઢોકળા / Vati Dal na Lasaniya Khaman / Vati Dal Na Khaman
 

તૈયારી માટે ૫ મિનિટ

બનાવવા માટે ૧૫ મિનિટ

૪ પ્લેટ

 

સામગ્રી :

ખમણ ઢોકળા માટે :

ચણા દાળ ૧ કપ

આદું-મરચાં ની પેસ્ટ ૧ ટી સ્પૂન

સોડા-બાય-કાર્બ ચપટી

તેલ ૧ ટી સ્પૂન

લીંબુ ૧/૨

મીઠું સ્વાદ મુજબ

સ્ટીમર ની પ્લેટ પર લગાવવા માટે તેલ

 

વઘાર માટે :

તેલ ૧ ટેબલ સ્પૂન

રાય ૧ ટી સ્પૂન

હિંગ ચપટી

લીમડો ૫-૬ પાન

મરચાં જીણા સમારેલા ૨-૩

લસણ ની પેસ્ટ ૨ ટેબલ સ્પૂન

દહી ૩ ટેબલ સ્પૂન

મીઠું સ્વાદ મુજબ

ધાણાભાજી ૧ ટેબલ સ્પૂન

 

રીત :

ખમણ ઢોકળા માટે :

કમ સે કમ ૧ કલાક માટે ચણા દાળ પલાળી દો.

 

પછી, પાણી કાઢી, ચણા દાળ એકદમ જીણી પીસી લો.

 

પછી, ૪ થી ૫ કલાક માટે રાખી મુકો.

 

પછી એમાં, આદું-મરચાં ની પેસ્ટ, સોડા-બાય-કાર્બ, લીંબુ નો રસ, મીઠું અને તેલ ઉમેરો. બરાબર મિક્સ કરો. ખમણ ઢોકળા માટે ખીરું તૈયાર છે.

 

એક સ્ટીમરમાં પાણી ગરમ કરવા મુકો.

 

સ્ટીમર ની પ્લેટ પર તેલ લગાવી દો.

 

એમાં ખમણ ઢોકળા માટે તૈયાર કરેલું ખીરું ભરી દો. પ્લેટ અડધી જ ભરવી, બાકીની જગ્યા, ઢોકળા ફુલવા માટે જરૂરી છે.

 

સ્ટીમર માં પાણી ગરમ થાય એટલે એમાં ખીરું ભરેલી પ્લેટ ગોઠવી દો.

 

૧૫ થી ૨૦ મિનિટ માટે ઊંચા તાપે સ્ટીમ કરી લો.

 

પછી, સ્ટીમરમાંથી પ્લેટ બહાર કાઢી લો.

 

પ્લેટ ના ઢોકળામાં ચપ્પુ વડે આડા-ઊભા કાપા પાડી, પસંદ મુજબ આકાર અને સાઇઝના ટુકડા કરી એક બાઉલમાં કે પ્લેટ પર રાખી દો.

 

એક બાજુ રાખી દો.

 

વઘાર માટે :

એક પૅન માં ધીમા-મધ્યમ તાપે તેલ ગરમ કરો.

 

એમાં રાય, હિંગ અને લીમડો ઉમેરો.

 

તતડે એટલે જીણા સમારેલા મરચાં અને લસણ ની પેસ્ટ ઉમેરો અને સાંતડો.

 

ફક્ત ૩૦ થી ૪૦ સેકંડ પછી, દહી અને મીઠું ઉમેરો. બરાબર મિક્સ કરો.

 

પછી, ખમણ ઢોકળાના ટુકડા ઉમેરો અને છુંદાય ના જાય એ કાળજી રાખી, ઉછાળી, ધીરે ધીરે ઉપર-નીચે ફેરવી, બરાબર મિક્સ કરો. આ રીતે મિક્સ કરતાં કરતાં માત્ર ૨ થી ૩ મિનિટ માટે પકાવો.

 

પછી, સર્વિંગ પ્લેટ પર ગોઠવી દો.

 

ધાણાભાજી છાંટી દો. જીણા સમારેલા મરચાં પણ છાંટી શકાય.

 

ઘરે જ બનાવેલી લસણ ની ચટણી ક લીલી ચટણી સાથે તાજે તાજા પીરસો.

 

નરમ નરમ, ફુલેલા ઢોકળા ખાઓ, ગુજરાતી હોવાનું મહેસુસ કરો.

 

Prep.5 min.

Cooking time 15 min.

Qty. 4 Plates

Ingredients:

For Spongy Dhokla:

Skinned and Split Chickpeas (Bengal Gram)  1 cup

Ginger-Chilli Paste 1 tsContinue Reading

સ્પાઈસી પનીર રેપ / Spice Paneer Wrap / Spicy Cottage Cheese Wrap

Breakfast recipes, calcium rich, Fusion recipes, Healthy recipes, Indian, kids favorite, Main course, Snacks
Posted on Leave a comment on સ્પાઈસી પનીર રેપ / Spice Paneer Wrap / Spicy Cottage Cheese Wrap
 

તૈયારી માટે ૧૦ મિનિટ

બનાવવા માટે ૨૦ મિનિટ

૪ સર્વિંગ

 

સામગ્રી :

રેપ માટે :

ઘઉ નો લોટ ૧ કપ

સફેદ જુવાર નો લોટ ૧ કપ

તેલ ૧ ટી સ્પૂન

મીઠું સ્વાદ મુજબ

 

પુરણ માટે :

તેલ ૧ ટી સ્પૂન

માખણ ૧ ટેબલ સ્પૂન

આદું-લસણ-મરચાં ની પેસ્ટ ૧ ટેબલ સ્પૂન

ડુંગળી સમારેલી ૧

ટોમેટો પ્યૂરી ૧/૨ કપ

પનીર ક્યૂબ નાના ૧૦૦ ગ્રામ

લાલ મરચું પાઉડર ૧ ટી સ્પૂન

ગરમ મસાલો ૧/૨ ટી સ્પૂન

મીઠું સ્વાદ મુજબ

 

સલાડ માટે :

કોબી જીણી સમારેલી/ખમણેલી ૧/૨ કપ

કેપ્સિકમ જીણા સમારેલા ૧/૨

ડુંગળી જીણી સમારેલી ૧

મેયોનેઝ સૉસ ૩ ટેબલ સ્પૂન

મરી પાઉડર ૧/૨ ટી સ્પૂન

ચીલી ફલૅક્સ ૧/૨ ટી સ્પૂન

ઓરેગાનો ૧/૨ ટી સ્પૂન

ચીઝ ખમણેલું ૧ ટેબલ સ્પૂન

 

રીત :

રેપ માટે :

એક કથરોટમાં ઘઉ નો લોટ અને સફેદ જુવાર નો લોટ લો.

 

એમાં તેલ અને મીઠું ઉમેરો. બરાબર મિક્સ કરો.

 

જરૂર મુજબ થોડું થોડું પાણી ઉમેરતા જઇ લોટ બાંધી લો.

 

આછી રોટલીઓ વણી લો અને અધકચરી સેકી લો. એક બાજુ રાખી દો.

 

પુરણ માટે :

એક પૅન માં ધીમા તાપે તેલ અને માખણ એકીસાથે ગરમ કરો.

 

એમાં આદું-લસણ-મરચાં ની પેસ્ટ અને સમારેલી ડુંગળી ઉમેરો. સાંતડી લો.

 

પછી, ટોમેટો પ્યૂરી અને પનીર ક્યૂબ ઉમેરો.

 

લાલ મરચું પાઉડર, ગરમ મસાલો અને મીઠું ઉમેરો. બરાબર મિક્સ કરો. ધીમા તાપે ૨ થી ૩ મિનિટ માટે પકાવો. પાણી ઉમેરવાની જરૂર નથી.

 

પુરણ તૈયાર છે. એક બાજુ રાખી દો.

 

સલાડ માટે :

ચીઝ સીવાય સલાડ માટેની બધી સામગ્રી એક બાઉલમાં લો અને બરાબર મિક્સ કરી લો.

 

સલાડ તૈયાર છે. એક બાજુ રાખી દો.

 

રેપ બનાવવા માટે :

એક રોટલી લો.

 

રોટલીની સાઇઝ પ્રમાણે ૧ થી ૨ ટેબલ સ્પૂન જેટલું સલાડ અને ૧ થી ૨ ટેબલ સ્પૂન જેટલું પુરણ રોટલીની વચ્ચે મુકો. એની ઉપર થોડું ખમણેલું ચીઝ ભભરાવો.

 

બે બાજુથી રોટલીના છેડા વાળી, પુરણ રેપ કરી દો. એક બાજુ રાખી દો.

 

આ રીતે બધા રેપ તૈયાર કરો.

 

બધા રેપ ગ્રીલ કરી લો. પસંદ મુજબ નરમ કે કરકરા ગ્રીલ કરો. બળીને કાળા ના થઈ જાય એ ખ્યાલ રાખવો.

 

કોઈ પણ ચટણી કે કેચપ સાથે પીરસો. હોટ & સ્વીટ સૉસ સાથે વધારે સ્વાદિષ્ટ લાગશે.

 

Prep.10 min.

Cooking time 20 min.

Servings 4

Ingredients:

For Wrap:

Whole Wheat Flour 1 cup

White Sorghum Four 1 cupContinue Reading

ઢોકળા ચાટ / Dhokla Chat

chat, Fusion recipes, Gujrati, Healthy recipes, Indian, kids favorite, Snacks
Posted on 1 Comment on ઢોકળા ચાટ / Dhokla Chat
 

તૈયારી માટે ૪૦ મિનિટ

બનાવવા માટે ૧૫ મિનિટ

૪ પ્લેટ

 

સામગ્રી :

ઢોકળાના લોટ માટે :

ચોખા ૧/૩ કપ

ચણા દાળ ૧/૩ કપ

અડદ દાળ ૧ ટેબલ સ્પૂન

મેથી ૧/૪ ટી સ્પૂન

 

અથવા

ઢોકળા નો લોટ ૧ કપ

મેથી પાઉડર ૧/૪ ટી સ્પૂન

 

ઢોકળા માટે :

 

દહી ૧ કપ

સોડા-બાય-કાર્બ ચપટી

તેલ ૧ ટી સ્પૂન

આદુ-લસણ-મરચાં ની પેસ્ટ ૧ ટેબલ સ્પૂન

મીઠું સ્વાદ મુજબ

 

રગડા માટે :

લીલા વટાણા બાફેલા ૧ કપ

બટેટા બાફેલા અને સમારેલા ૧

તેલ ૧ ટેબલ સ્પૂન

તમાલપત્ર ૧

સૂકા લાલ મરચાં ૨

લીમડો ૬-૮

હિંગ ચપટી

આદુ-લસણ-મરચાં ની પેસ્ટ ૧ ટેબલ સ્પૂન

ડુંગળી જીણી સમારેલી ૧

ટમેટાં જીણા સમારેલા ૧

હળદર ૧ ટી સ્પૂન

લાલ મરચું પાઉડર ૧ ટી સ્પૂન

ગરમ મસાલો ૧ ટી સ્પૂન

મીઠું સ્વાદ મુજબ

આમલી નો પલ્પ ૧ ટેબલ સ્પૂન

ગોળ ખમણેલો ૧ ટી સ્પૂન

 

બનાવવા માટે :

ફૂદીના ની ચટણી

લાલ ચટણી

ખજુર-આમલી ની ચટણી

મસાલા સીંગ

સેવ

ધાણાભાજી

ડુંગળી જીણી સમારેલી

ચાટ મસાલો

 

રીત :

ઢોકળા ના લોટ માટે :

ચોખા, ચણા દાળ, અડદ દાળ અને મેથી ને ગ્રાઈન્ડિંગ જારમાં લઈ કરકરું પીસી લો.

 

બજારમાં તૈયાર મળતો ઢોકળાનો લોટ જો ઉપયોગમાં લેતા હો તો એમાં ફક્ત મેથી નો પાઉડર મીક્ષ કરી દો.

 

ઢોકળા માટે :

એક બાઉલમાં ઢોકળાનો લોટ લો. એમાં દહી મીક્ષ કરી દો. આથા માટે ૬ થી ૭ કલાક રાખી મુકો.

 

પછી, એમાં, સોડા-બાય-કાર્બ, તેલ, આદુ-લસણ-મરચાં ની પેસ્ટ અને મીઠું મીક્ષ કરી દો. ખીરું તૈયાર છે.

 

સ્ટીમર ની પ્લેટમાં તેલ લગાવી દો અને તૈયાર કરેલા ખીરા થી ૧/૪ જેટલી ભરો.

 

સ્ટીમરમાં પાણી ગરમ કરો. પાણી ગરમ થઈ જાય એટલે સ્ટીમર માં ખીરું ભરેલી પ્લેટ ગોઠવી દો.

 

૧૫ થી ૨૦ મિનિટ માટે સ્ટીમ કરી લો. પછી, પ્લેટ સ્ટીમરમાંથી કાઢી લો.

 

ચપ્પુની મદદથી પ્લેટમાં ઢોકળા ના ટુકડા કાપી, કાઢી લો. એક બાજુ રાખી દો.

 

રગડા માટે :

એક પૅન માં તેલ ગરમ કરો. એમાં તમાલપત્ર, લીમડો, હિંગ અને સૂકા લાલ મરચાં ઉમેરો. તતડી જાય એટલે આદુ-લસણ-મરચાં ની પેસ્ટ અને જીણી સમારેલી ડુંગળી ઉમેરો અને ડુંગળી નરમ થાય ત્યાં સુધી સાંતડો. જીણા સમારેલા મરચાં ટમેટાં ઉમેરો. બરાબર મીક્ષ કરો. હળદર, લાલ મરચું પાઉડર, ગરમ મસાલો અને મીઠું ઉમેરી બરાબર મીક્ષ કરો. આમલી નો પલ્પ અને ગોળ મીક્ષ કરો. બાફેલા લીલા વટાણા અને બટેટા ઉમેરો. થોડું પાણી ઉમેરો. ૪-૫ મિનિટ માટે મધ્યમ તાપે પકાવો. ઘાટો રગડો તૈયાર થશે.

 

બનાવવા માટે :

એક સર્વિંગ બાઉલમાં ઢોકળા લઈ લો. એના ઉપર તૈયાર કરેલો રગડો રેડો. એના ઉપર ફૂદીના ની ચટણી, લાલ ચટણી અને ખજુર-આમલી ની ચટણી રેડો. મસાલા સીંગ, સેવ, જીણી સમારેલી ડુંગળી અને ધાણાભાજી ભભરાવી આકર્ષક બનાવો. થોડો ચાટ મસાલો છાંટો.

 

અસલી ગુજરાતી ઢોકળા નો અનોખો અંદાઝ.. ઢોકળા ચાટ..

 

Prep.40 min.

Cooking time 15 min.

Qty. 4 Plates

Ingredients:

For Dhokla Flour:

Rice                                                     1/3 cup

Split Bengal Gram                                  1/3 cupContinue Reading

કાબેજ સમોસા / કોબી ના સમોસા / Cabbage Samosa / Kobi na Samosa

Breakfast recipes, Celebration recipes, Festivals, Indian, Snacks
Posted on 1 Comment on કાબેજ સમોસા / કોબી ના સમોસા / Cabbage Samosa / Kobi na Samosa
 

તૈયારી માટે ૩૦ મિનિટ

બનાવવા માટે ૧૫ મિનિટ

૧૨ નંગ

 

સામગ્રી :

પડ માટે :

ચોખા નો લોટ ૧/૨ કપ

મેંદો ૧/૨ કપ

તેલ ૧ થી ૨ ટી સ્પૂન

પાણી ૧/૨ કપ

મીઠું સ્વાદ મુજબ

 

પુરણ માટે :

આદુ-લીલા મરચા- લસણ જીણા સમારેલા ૧ ટેબલ સ્પૂન

ડુંગળી જીણી સમારેલી ૧

મગ ૧/૪ કપ

કોબી ૧ કપ

(જીણી સમારેલી યા ખમણેલી)

હળદર ૧/૪ ટી સ્પૂન

ગરમ મસાલો ૧/૪ ટી સ્પૂન

મીઠું સ્વાદ મુજબ

 

તેલ તળવા માટે

 

રીત :

પડ માટે :

એક કથરોટમાં ચોખા નો લોટ, મેંદો અને મીઠું મીક્ષ કરો. ૧ થી ૨ ટી સ્પૂન તેલ મીક્ષ કરો. જરૂર મુજબ ધીરે ધીરે પાણી ઉમેરતા જઈને લોટ બાંધી લો. ૧૦-૧૫ મિનિટ માટે રાખી મુકો. બનાવેલા લોટમાંથી પાતળી રોટલીઓ વણી લો અને ધીમા-મધ્યમ તાપે અધકચરી શેકી લો. બધી રોટલીઓને વચ્ચેથી ૨ ભાગમાં કાપી લો. બધા ટુકડાઓ એક થોડા ભીના કપડામાં વીંટાળી દો. એક બાજુ રાખી દો.

 

પુરણ માટે :

મગને કમ સે કમ ૪ થી ૫ કલાક માટે પાણીમાં પલાળી દો.

 

કોબીમાં મીઠું અને હળદર મીક્ષ કરી ૫ થી ૧૦ મિનિટ માટે રાખી મૂકો. પછી, કોબીને નીચોવી પાણી કાઢી નાખો.

 

એક નોન-સ્ટીક પૅન માં તેલ ગરમ કરો. એમાં જીણો સમારેલી ડુંગળી નરમ થઈ જાય એટલી સાંતડી લો. આદુ-લીલા મરચા-લસણ મીક્ષ કરો. કોબી અને મગ મીક્ષ કરો. મીઠું અને ગરમ મસાલો મીક્ષ કરો.

 

સમોસા માટે :

એક વાટકીમાં ૨ થી ૩ ટી સ્પૂન જેટલો મેંદો લઈ એમાં થોડું પાણી ઉમેરી લુગદી બનાવી લો.

 

રોટલીનો એક ટુકડો લો. એની વચ્ચે ૧ થી ૨ ટી સ્પૂન જેટલું પુરણ મૂકો. રોટલીના બંને છેડા વાળીને ત્રિકોણ આકાર આપો. લુગદી થી છેડા ચોંટાડી દો. આ રીતે બધા સમોસા તૈયાર કરો. પછી, બધા સમોસા તળી લો.

 

કેચપ, ચીલી સૉસ કે ઘરમાં બનાવેલી કોઈ પણ ચટણી સાથે ગરમા ગરમ પીરસો. સેઝવાન ફ્લેવર સાથે વધારે મસ્ત લાગશે.

 

અનોખા અંદાઝ થી બનાવેલા કાબેજ સમોસા નો અનોખો સ્વાદ માણો.

 

Prep.30 min.

Cooking time 15 min.

Yield 12 Samosa

Ingredients:

For Outer Layer :

Rice Flour                                                        ½ cup,

Refined White Wheat Flour (Maida)               ½ cup,

Oil                                                                    1 to 2 tsContinue Reading

મીક્ષ સૉસ પાસ્તા / Mixed Sauce Pasta

Celebration recipes, Fusion recipes, kids favorite, Snacks
Posted on Leave a comment on મીક્ષ સૉસ પાસ્તા / Mixed Sauce Pasta
 

તૈયારી માટે ૫ મિનિટ

બનાવવા માટે ૨૦ મિનિટ

૨ પ્લેટ

 

સામગ્રી :

સફેદ સૉસ માટે :

માખણ ૧ ટેબલ સ્પૂન

લસણ સમારેલું ૧ ટી સ્પૂન

મેંદો ૧ ટેબલ સ્પૂન

દૂધ ૧ કપ

મીઠું

મરી પાઉડર ચપટી

મલાઈ ૧ ટેબલ સ્પૂન

 

લાલ સૉસ માટે :

માખણ ૧ ટેબલ સ્પૂન

તેલ ૧ ટી સ્પૂન

લસણ સમારેલું ૧ ટી સ્પૂન

ડુંગળી સમારેલી ૧

ટમેટાં સમારેલા ૧

ટોમેટો પ્યુરી ૧/૨ કપ

મીઠું

મીક્ષ હર્બ ૨ ટી સ્પૂન

ચીલી ફલૅક્સ ૧ ટી સ્પૂન

મરી પાઉડર ૧/૨ ટી સ્પૂન

 

પાસ્તા માટે :

માખણ ૨ ટેબલ સ્પૂન

બેબી કૉર્ન ૧/૨ કપ

કેપ્સિકમ સમારેલા મોટા ટુકડા ૧

પાસ્તા બાફેલા ૧ કપ

ઓરેગાનો ચપટી

ચીલી ફલૅક્સ ૧/૨ ટી સ્પૂન

મીઠું સ્વાદ મુજબ

 

સજાવટ માટે ચીઝ અને ઓલિવ

 

રીત :

સફેદ સૉસ માટે :

એક પૅન માં ધીમા તાપે માખણ ગરમ કરો.

 

એમાં સમારેલું લસણ અને મેંદો ઉમેરો. તવેથા વડે ધીરે ધીરે હલાવીને આછા ગુલાબી જેવુ થઈ જાય ત્યા સુધી સાંતડો.

 

દૂધ ઉમેરો અને મધ્યમ તાપે ઉકાળો. ગઠાં ના થાય એ ખ્યાલ રાખવો. જરૂર લાગે તો ધીરે ધીરે હલાવવું.

 

મિક્સચર જરા ઘાટુ થાય એટલે મરી પાઉડર, મીઠું અને મલાઈ ઉમેરો અને મધ્યમ તાપે ૧ થી ૨ મિનિટ માટે ધીરે ધીરે હલાવીને બરાબર મીક્ષ કરો.

 

સફેદ સૉસ તૈયાર છે. એક બાજુ રાખી દો.

 

લાલ સૉસ માટે :

એક પૅન માં ધીમા તાપે માખણ અને તેલ એકીસાથે ગરમ કરો.

 

એમાં સમારેલું લસણ ઉમેરો અને આછા ગુલાબી જેવુ સાંતડો.

 

હવે, સમારેલી ડુંગળી ઉમેરો અને નરમ થાય ત્યા સુધી સાંતડો.

 

પછી, સમારેલા ટમેટાં ઉમેરો અને નરમ થાય ત્યા સુધી સાંતડો.

 

હવે, ટોમેટો પ્યુરી, મીઠું, મીક્ષ હર્બ, ચીલી ફલૅક્સ અને મરી પાઉડર ઉમેરો.

 

મિક્સચર જરા ઘાટુ થઈ જાય ત્યા સુધી, આશરે ૧ થી ૨ મિનિટ માટે, ધીમા-મધ્યમ તાપે ધીરે ધીરે હલાવતા રહી પકાવો.

 

પાસ્તા માટે :

એક પૅન માં ધીમા તાપે માખણ ગરમ કરો.

 

એમાં બેબી કૉર્ન, કેપ્સિકમ ના સમારેલા મોટા ટુકડા, ઓરેગાનો, ચીલી ફલૅક્સ અને મીઠું ઉમેરો.

 

ધીરે ધીરે મીક્ષ કરતાં કરતાં ફક્ત ૨ થી ૩ મિનિટ માટે ધીમા તાપે પકાવો.

 

બાફેલા પાસ્તા ઉમેરો. ધીમા તાપે ૧ થી ૨ મિનિટ માટે પકાવો. પાસ્તા છૂંદાય ના જાય એ કાળજી સાથે ઉપર-નીચે હલાવતા રહી બરાબર મીક્ષ કરો.

 

તૈયાર કરેલો સફેદ સૉસ અને લાલ સૉસ ઉમેરો. ધીરે ધીરે હલાવી મીક્ષ કરતાં રહી, ધીમા તાપે ૨ થી ૩ મિનિટ માટે પકાવો.

 

ખમણેલું ચીઝ છાંટો અને ઓલિવ મુકી સજાવો.

 

તરત જ પીરસો.

 

ઇટાલિયન વાનગી, ઇંડિયન સ્વાદ સાથે.

 

Prep.5 min.

Cooking time 20 min.

Qty. 2 Plates

Ingredients:

For White Sauce:

Butter 1 tbsp

Garlic chopped 1 ts

Refined White Wheat Flour (Maida) 1 tbspContinue Reading

ટીકર / રાજસ્થાની રોટી / મસાલા રોટી / Tikkar / Rajasthani Roti / Spiced Roti / Spiced Flat Bread

Breakfast recipes, Healthy recipes, Indian, kids favorite, Main course, Rajasthani, Snacks
Posted on 2 Comments on ટીકર / રાજસ્થાની રોટી / મસાલા રોટી / Tikkar / Rajasthani Roti / Spiced Roti / Spiced Flat Bread
 

તૈયારી માટે ૧૦ મિનિટ

બનાવવા માટે ૧૦ મિનિટ

૪ રોટી

 

સામગ્રી :

મકાઇ નો લોટ ૧ કપ

ઘઉ નો લોટ ૧ કપ

ઘી ૨ ટેબલ સ્પૂન

ડુંગળી જીણી સમારેલી ૧

ટમેટાં જીણા સમારેલા ૧

ધાણાભાજી ૧ ટેબલ સ્પૂન

મરચાં જીણા સમારેલા ૨

મીઠું સ્વાદ મુજબ

સેકવા માટે ઘી

અટામણ માટે ઘઉ નો લોટ

 

રીત :

એક કથરોટમાં મકાઇ નો લોટ અને ઘઉ નો લોટ એકીસાથે લો.

 

એમાં ઘી ઉમેરો અને બરાબર મિક્સ કરો.

 

પછી, જીણી સમારેલી ડુંગળી, ટમેટાં, ધાણાભાજી, મરચાં, આ બધુ જ અડધી માત્રામાં ઉમેરો અને મીઠું ઉમેરો. બરાબર મિક્સ કરો.

 

જરૂર મુજબ થોડું થોડું પાણી ઉમેરતા જઇ જરા કઠણ લોટ બાંધી લો.

 

બાંધેલા લોટમાંથી નાનો લુવો લઈ, બોલ બનાવી, જરા જાડી રોટલી વણી લો. રોટલી વણતા એની કિનારી તુટતી જશે, કોઈ વાંધો નહીં, એવી જ બનવી જોઈએ. વણવા દરમ્યાન જરૂર લાગે ત્યારે ઘઉના કોરા લોટમાં જબોળી, કોટ કરતાં રહો, વણવાનું સરળ રહેશે અને ચોટશે નહીં.

 

અડધી રોટલી વણાઈ જાય એટલે એની ઉપર, જીણી સમારેલી ડુંગળી, ટમેટાં, ધાણાભાજી અને મરચાં, આ બધુ થોડું થોડું છાંટો, હાથેથી હળવેથી દબાવો અને વણી લો. આ બધુ રોટલી ઉપર બરાબર ચોંટી જાય એ ખાસ જોવું.

 

આ રીતે બાંધેલા લોટમાંથી બધી રોટલી વણી લો.

 

એક પછી એક, બધી રોટલી શેલો ફ્રાય કરી લો. કરકરી બનાવવા માટે ધીમા તાપે, હળવે હળવે દબાવીને શેલો ફ્રાય કરો.

 

તાજે તાજી અને ગરમા ગરમ, તવા પરથી સીધી જ સર્વિંગ પ્લેટ માં પીરસો.

 

દહી અને / અથવા પસંદગીના અથાણાં સાથે પીરસો.

 

પસંદગીના કોઈ પણ સૉસ કે કેચપ સાથે પણ પીરસી શકાય.

 

દહી સાથે સૌથી વધારે સ્વાદિષ્ટ લાગશે.

 

સ્વાદિષ્ટ, રસીલી, મસાલેદાર, રાજસ્થાની વાનગી, ટીકર.

 

Prep.10 min.

Cooking time 10 min.

Yield 4 pcs.

Ingredients:

Maize Flour 1 cup

Whole Wheat Flour 1 cup

Ghee 2 tbspContinue Reading

દાબેલી ડોસા / દાબેલી ઢોસા / Dabeli Dosa

Breakfast recipes, Healthy recipes, Indian, kids favorite, Kutchhi, Snacks, South Indian
Posted on 15 Comments on દાબેલી ડોસા / દાબેલી ઢોસા / Dabeli Dosa
 

તૈયારી માટે ૩૦ મિનિટ

બનાવવા માટે ૧૫ મિનિટ

૫ નંગ

 

સામગ્રી :

ઢોસા નું ખીરું ૧ કપ

માખણ ૧ ટી સ્પૂન

બટેટા બાફેલા અને છુંદેલા ૨

તેલ ૧ ટી સ્પૂન

લસણ ની ચટણી ૧ ટી સ્પૂન

દાબેલી મસાલો ૧ ટેબલ સ્પૂન

હળદર ચપટી

લાલ મરચું પાઉડર ચપટી

ગરમ મસાલો ૧ ટી સ્પૂન

આમલી ની ચટણી ૨ ટેબલ સ્પૂન

મીઠું સ્વાદ મુજબ

ધાણાભાજી ૧ ટેબલ સ્પૂન

સૂકા નારિયળનું ખમણ / પાઉડર ૨ ટેબલ સ્પૂન

દાડમ ના દાણા ૨ ટેબલ સ્પૂન

ડુંગળી જીણી સમારેલી ૧

મસાલા સીંગ ૨ ટેબલ સ્પૂન

ઢોસા પૅનફ્રાય કરવા માટે તેલ

 

રીત :

એક પૅન માં તેલ ગરમ કરો. તાપ ધીમો કરો. લસણ ની ચટણી, દાબેલી મસાલો, હળદર, લાલ મરચું પાઉડર, ગરમ મસાલો, આમલી ની ચટણી, મીઠું ઉમેરો ને ૧-૨ મિનિટ સુધી ધીરે ધીરે હલાવીને મીક્ષ કરો. બાફેલા અને છુંદેલા બટેટા ઉમેરો અને ફરી ૧-૨ મિનિટ સુધી હલાવીને મીક્ષ કરો. દાબેલી મિક્સચર તૈયાર છે. એક બાઉલમાં લઈ લો. ધાણાભાજી, નારિયળ, દાડમ ના દાણાં, જીણી સમારેલી ડુંગળી અને મસાલા સીંગ ઉમેરી બરાબર મીક્ષ કરી દો. એક બાજુ રાખી દો.

 

સપાટ નોન-સ્ટિક પૅન ગરમ કરો. ધીમો-મધ્યમ તાપ રાખો.

 

ગરમ થયેલા પૅન પર આશરે ૨ ટેબલ સ્પૂન જેટલું તેલ રેડો અને ફેલાવી દો. ઢોસાનું ખીરું રેડો.

 

પૅન ની સાઇઝ અને ઢોસા ફેરવવાની તમારી ફાવટ ધ્યાનમાં રાખી ૧ થી ૨ મોટા ચમચા જેટલું ખીરું રેડો.

 

તવેથા થી  ખીરાને પૅન પર ઝડપથી પાથરી દો.

 

પૅન પર પથરાયેલા ખીરાની કિનારી ફરતે ૧ થી ૨ ટેબલ સ્પૂન જેટલું તેલ રેડો.

 

પૅન પર પથરાયેલા ખીરાની ઉપર થોડું તેલ લગાવો.

 

ઢોસા ની સાઇઝ મુજબ ૧/૨ થી ૧ મોટા ચમચા જેટલું તૈયાર કરેલું દાબેલી મિક્સચર ઢોસા ની વચ્ચે મુકો. તવેથા થી ઢોસા ની સામસામે ની બે બાજુ ના છેડા વાળીને દાબેલી મિક્સચર ને રેપ્ કરી દો.

 

જો નરમ ઢોસા જોઈએ તો બહારની બાજુ આછી ગુલાબી અને કરકરા ઢોસા જોઈતા હોય તો એકદમ ગુલાબી થાય એવી શેકી લો.

 

પૅન પર થી સીધા જ ગરમા ગરમ અને તાજા જ પીરસો.

 

કેચપ કે ઘરે બનાવેલી કોઈ પણ ઢીલી ચટણી સાથે પીરસો.

 

ખટ્ટ મીઠા સ્વાદ ની ચટણી કે સૉસ, આમલી નો સૉસ કે આમલી ની ચટણી સાથે વધારે સ્વાદિષ્ટ લાગશે.

 

કચ્છી (ગુજરાતી) અને દક્ષિણ ભારતીય (તમિલ)

પરંપરાગત વાનગી ની મિલાવટવાળો અદભૂત સ્વાદ..

 

Prep.30 min.

Cooking time 15 min.

Yield 5 Dosa

Ingredients:

Batter for Dosa                                    1 cup

Butter                                                  1 ts

Potatoes boiled and crushed              2Continue Reading

ઓનિયન સમોસા / ડુંગળી ના સમોસા / Onion Samosa / Dungri na Samosa

Breakfast recipes, Festivals, Indian, Snacks
Posted on 5 Comments on ઓનિયન સમોસા / ડુંગળી ના સમોસા / Onion Samosa / Dungri na Samosa
 

તૈયારી માટે ૨૦ મિનિટ

બનાવવા માટે ૧૫ મિનિટ

૧૨ સમોસા

 

સામગ્રી :

પડ માટે :

ઘઉ નો લોટ ૧/૨ કપ

મેંદો ૧/૨ કપ

તેલ ૧-૨ ટી સ્પૂન

પાણી ૧/૨ કપ

મીઠું સ્વાદ મુજબ

 

પુરણ માટે :

ડુંગળી જીણી સમારેલી ૪

પોહા / પૌવા ૧ કપ

લાલ મરચું પાઉડર ૧ ટી સ્પૂન

જીરું પાઉડર ૧/૨ ટી સ્પૂન

ગરમ મસાલો ૧/૪ ટી સ્પૂન

ચાટ મસાલો ૧/૪ ટી સ્પૂન

મરચાં જીણા સમારેલા ૨

ધાણાભાજી ૨ ટી સ્પૂન

લીંબુ નો રસ ૧/૨ ટી સ્પૂન

મીઠું સ્વાદ મુજબ

તેલ તળવા માટે

મેંદો ૨-૩ ટી સ્પૂન

 

રીત :

પડ માટે :

એક બાઉલમાં ઘઉ નો લોટ, મેંદો અને મીઠું મીક્ષ કરો. એમાં ૧-૨ ટી સ્પૂન જેટલું તેલ મીક્ષ કરો.

 

ધીરે ધીરે પાણી ઉમેરી લોટ બાંધી લો અને ૧૦ થી ૧૫ મિનિટ માટે રાખી મુકો.

 

બાંધેલા લોટમાંથી આછા પડ વણી લો અને ધીમા-મધ્યમ તાપે અધકચરા સેકી લો.

 

બધા પડ અલગ કરી, વચ્ચેથી કાપી ૨ ટુકડામાં કાપી લો.

 

બધા ટુકડા એક ભીના કપડામાં વિટાળી એક બાજુ રાખી દો.

 

પુરણ માટે :

પુરણ માટેની બધી સામગ્રી એક બાઉલમાં લઈ બરાબર મીક્ષ કરી લો.

 

પકાવવાની જરૂર નથી. એક બાજુ રાખી દો.

 

સમોસા માટે :

૨ થી ૩ ટી સ્પૂન જેટલો મેંદો એક વાટકીમાં લો. એમાં થોડું પાણી ઉમેરી પેસ્ટ બનાવી લો.

 

પડ નો ૧ ટુકડો લો.

 

એની વચ્ચે ૧ થી ૨ ટી સ્પૂન જેટલું પુરણ મુકો.

 

પડ ના છેડા વાળી, પુરણ રેપ્ થઈ જાય એ રીતે ત્રિકોણ આકાર આપો. મેંદાની પેસ્ટ વડે છેડા ચોંટાડી દો.

 

આ રીતે બધા સમોસા તૈયાર કરી લો.

 

એક કડાઈમાં મધ્યમ તાપે તળવા માટે તેલ ગરમ કરો.

 

બધા સમોસા બરાબર તળી લો. પસંદ પ્રમાણે આછા ગુલાબી કે જરા આકરા તળી લો.

 

બન્ને બાજુ બરાબર તળવા માટે થોડી વારે બધા સમોસા તેલમાં ઉલટાવો.

 

કેચપ, ચીલી સૉસ કે ઘરે બનાવેલી કોઈ ચટણી સાથે ગરમા ગરમ પીરસો.

 

સમોસામાં ડુંગળીના તમતમાટ ની મજા લો.

 

Prep.20 min.

Cooking time 15 min.

Yield 12 Samosa

Ingredients:

For Outer Layer :

Whole Wheat Flour ½ cup,

Refined White Wheat Flour (Maida) ½ cup,

Oil 1 to 2 tsContinue Reading

error: Content is protected !!